Transcription
1
Hier sur le tard arriva le secretaire de monsieur Du Ferrier,
2
ambassadeur pour le roy à Venize, qui asseura l’armée
3
chretienne avoir rompu du tout l’armée turquesque.
4
Il ne se scait les particularitez pour estre party trop
5
subitement, et peult-estre pour ce qui n’en a encores
6
esté rien escript, il porte auecq grande dilligence
7
ceste nouvelle à sa majesté. Il ne s’arreste que à dire
8
ung mot à ma dame de Savoye. Pour estre
9
nouvelle de telle importance, je vous en ay bien voullu
10
advertir en l’absence de monsieur Boyvin et n’ay voullu
11
faillir de vous en en [sic] expedier le porteur expres,
12
baisant les mains avecq reverance à votre excelence.
13
Sustance de la lettre escrite à
14
Monseigneur de Birague lieutenant
15
pour le roy en ce païs de Piemont